VIDEO/ Ndihmuan Reantën, përlotet Noizy: Kurrë s’jam ndjerë më i plotësuar; Ja lista e djemve të famshëm që e mbështetën

Ditën e sotme janë siguruar paratë e nevojshme për kurimin e Reantës, vogëlushes që kishte nevojë urgjente për transplant. Siç ju njoftuam edhe më herët, vajzës me probleme serioze shëndetësore i nevojiteshin 26 mijë euro për kurim jashte vendit. Një pjesë e të ardhurave u siguruan nga Spitali Amerikan. Pjesa tjetër, rreth 15 mijë euro i dhuroi reperi Rigels Rajku. Siç njoftoi vetë më vonë, jo të gjitha këto para ishin prej xhepit të tij. Një grup djemsh të tjerë, gjithashtu të famshëm, i janë përgjigjur menjëherë ftesës së këngëtarit për të dhënë kontriutin e tyre. Noizy i ka falenderuar ata publikisht. “Edhe 1 herë ju falenderoj të gjithëve: Blerim Destani.
Selim Destani, Granit Xhaka, Taulant Xhaka, Zamir Mane, Familja Pacolli, Faton Shoshi, Saimir Gervalla, Ermal Mamaqi, Altin Sulku, Victor Vlashi (kompania Helicopter VivaAir), Ervin Cara (Moscoë Club), Anxhela Faber (Arkiva Shqip), Kupo Ficic (Holegro), Naim Martinaj, Uke Gjugjaj, Florent Sylmetaj (Passion Club), Shkurte Gashi””, ka shkruar ai ndër të tjera në Facebook, duke shprehur krenari për miqtë e tij. Ndërsa më herët, në një intervistë për “News 24” ai foli i mallëngjyer duke thënë se ishte një arritje shumë e madhe për jetën e tij. “Gjatë gjithë karrierës sime, çfarëdo që kam bërë, mbrëmë u ndjeva më i plotë se kurrë”, tha ai./ revistawho.com