VIDEO NE TIRANE/ “Ke 2 mijë lekë mes lejes”, polici refuzon dhe denoncon të riun e dehur

Një i ri i cili u kap nga Policia Rrugore duke drejtuar automjetin në gjendje të dehur ka tentuar të korruptojë oficerin e policisë duke i ofruar 2 mijë lekë të rinj ryshfet. Emiljano Dervishi, 27 vjeç, banues në Tiranë është arrestuar nga Policia pasi në momentin që rezultoi se kishte konsumuar alkooli mbi nivelin e lejuar futi në mes të lejes së qarkullimit të automjetit, një kartëmonedhë të prerjes 2 mijë lekë, raporton “Panorama”. Polici e refuzoi marrjen e parave dhe bëri denoncimin e 27­vjeçarit për korrupsion. Arrestimi i tij u te mbikalimi i liqenit, teksa ishte duke udhëtuar me mjetin tip “Volkswagen”, me targë AA 787 NO. Materialet i kaluan Prokurorisë pranë Gjykatës së Shkallës së Parë Tiranë për veprën penale “Korrupsion aktiv i personave që ushtrojnë funksione publike” parashikuar nga Neni 244 i Kodit Penal.

http://dai.ly/x4vo8cm