“Fate të Kryqëzuara” është një nga telenovelat e njohura që ka gozhduar para ekranit miliona shqiptarë.
Ndërthurja shumë e bukur e ngjarjeve dhe dinamika e jashtëzakonshme me të cilën ato zhvillohen, kanë rrëmbyer zemrat e shikuesve të shumtë, duke e kthyer tashmë në një nga telenovelat më të ndjekura në televizionet shqiptare, shkruan Syri.net.
Por së fundmi është mësuar një lajm ‘bombë’, që vjen pikërisht nga “Fate të Kryqëzuara”. Një lajm, i cili ka lënë pa frymë të gjithë protagonistët në këtë serial dhe jo vetëm.
Pas një analize ADN-je të rastësishme është mësuar se Ozani, që njihet si djali i madh i biznesmenit të njohur, Xhihan Gyrpënar, në të vërtetë nuk është djali i tij.
Gjithçka e ka zanafillën në rininë e Dilarës, e cila ishte e dashuruar me dy nga shokët e saj, Harunin dhe Xhihanin.
Por pak para se të vendoste të martohej me Xhihanin, kishte mbetur shtatzënë me Harunin. Por gjatë atyre ditëve ajo vendosi të ndahej me Harunin dhe zgjodhi Xhihanin, i cili më pas mendoi se kishte qenë ai, që e kishte lënë Dilarën shtatzënë.
Zbulimi i këtij lajmi ka tërbuar jo vetëm Xhihanin, i cili, për të disatën herë ndihet i mashtruar nga Dilara, por edhe më shumë Ozani, i cili në momentin që e merr vesh, nuk e pranon kurrsesi për baba Harunin, armikun më të madh të atij që ai gjithnjë ka njohur për baba, Xhihanit, bën të ditur Syri.net.
Situata është bërë shumë e koklavitur në serial dhe nga momenti në moment pritet të shpërthejë “bomba”./SYRI.net
