Pa u mbushur as 24 orë nga vrasja e ambasadorit të Rusisë në Ankara, Andrey Karlov, mediat palestineze kanë publikuar sot një video, që ka xhiruar atentatin nga një tjetër këndvështrim filmik.
Siç shihet edhe nga pamjet që ka siguruar “BalkanWeb”, atentatori i identifikuar si Mevlut Mert Altintas, ish-pjesëtar i policisë turke, dallohet qartësisht teksa qëndron i pashqetësuar nga forcat e sigurisë, pas shpatullave të ambasadorit rus brenda ambienteve të ekspozitës.
