Protagoniste e rubrikës “Kë zgjedh” e programit kosovar “Mirage” këtë javë ishte këngëtarja Soni Malaj.
Soni u vu përballë pyetjeve të vështira, për të cilat u detyrua të zgjedhte mes atyre emrave që i janë shfaqur përballë.
Ajo kishte për detyrë të zgjidhte edhe mes dyshes së njohur, Alban Skënderaj dhe Flori Mumajesit.
“Mua më vjen mirë që kanë shumë vite në skenë dhe nuk janë duke e ndaluar. Unë do të doja që artistët shqiptarë që kanë talent të mos të ndalojnë, të vazhdojnë të prodhojnë dhe të ecin me po ato ritme suksesi. Kjo ka ndodhur me këta dy kantautorë që kanë vazhduar me ritmet e suksesit të tyre që në fillim e deri tani dhe besoj se po vënë baza të mira”, është shprehur Soni Malaj. Në fund ajo përmend edhe Elvanën.
