Këtë mbrëmje të diele në mediat “online” po shpërndahet me shpejtësi kjo video. Në të shfaqet Matilda Makoçi në një rrëfim të rrallë, shumë vite pasi është shkëputur nga jeta publike, për emisionin “Exlusive” në Top Channel. Ajo flet për mungesën e 27 viteve, për përkushtimin e madh që i ka bërë të birit, e për dëshirën për t’u rikthyer. Matilda u martua me Edi Ramën në fund të viteve ’80 dhe lindi djalin e tyre, Gregorin. Pas divorcit me Edi Ramën, aktorja thotë se nuk ruan më asnjë kontakt me ish-bashkëshortin, por se është e kënaqur për arritjet e tij e se sheh që njerëzit e duan. “Kur linda Gregorin u shkëputa sepse duhet të isha me të në rritjen e tij. Jam marrë me punë shtëpie se ashtu i kisha kushtet. Deri para 2-3 viteve kam qenë e preokupuar pas Gregut. Nuk më pëlqen që është shkëputur, por nuk kam çfarë t’i bëj. Lejova që ai të dalë të jetojë më vete se ishte dëshira e tij. Por përpiqem t’i rri afër edhe pse është larguar”, rrëfen ndër të tjera Makoçi.
http://dai.ly/x4zufcc
