Pas humbjes së babait, Jorina për tre vite u mbyll në vetminë e saj. Përveç dhimbjes shpirtërore ajo pati dhe probleme serioze me shëndetin të cilat i vazhdojnë edhe sot. Ajo nuk mund ta mbajë ushqimin, por pasi e ha, e nxjerr. Mjekët tha ajo i thonë se i është dobësuar nervi i stomakut dhe se duhet ta ndihmojë veten duke mos u shqetësuar për asgjë. Por Jori tha se e ka të vështirë ende sot. Në studion e “E diela shqiptare” ajo kishte sjellë hallën, e cila ishte kujdesur shumë për të në kohën kur vajza ishte e sëmurë, shkruan “Panorama”. Njeriu që i qëndroi pranë, halla, kurrë nuk e humbi durimin që ajo t’i rikthehej jetës normale. Megjithatë, ka një peng mes tyre. Sepse Jori tha se është sjellë keq si me të dhe me mamanë. Por tani gjërat kanë ndryshuar dhe ajo i ka kërkuar falje të dyjave publikisht. “Kam bërë dhe do bëj deri në frymën e fundit”, i tha halla. “Ti je heroina ime, pa ty unë s’do isha kjo që jam, ju them që ju dua shumë të dyjave” ia ktheu Jori e cila tha gjithashtu se ndihej keq që nuk mund ta plotësonte amanetin që i ka lënë babai, për t’u bërë mjeke. Tani ajo ka fituar dhe do të studiojë në Tiranë për Juridik.
http://dai.ly/x4yo6ha
