Djali 15-vjeçar i Arjet Saitit, dyshohet të ketë parë gjithë ngjarjen nga kamerat e sigurisë që ndodheshin të instaluara në lokalin që kishte marrë me qira babai i tij. Mësohet se kamerat ishin të lidhura me një laptop që ndodhej në shtëpinë e Saitit, dhe aty dyshohet se minoreni ka arritur që të shohë se çfarë ka ndodhur. 15-vjeçari është shokuar, pasi ka parë se si është ekzekutuar i ati, raporton “Panorama”. Ndërkaq, mësohet se pamjet e kamerave të sigurisë janë sekuestruar nga policia dhe po përdoren për të bërë të mundur zbardhjen e plotë të ngjarjes së rëndë në njësinë Dajç.
Parubi 38 plumba mbi viktimat
Mikolvan Parubi, autori i vrasjes së dyfishtë të ndodhur dy ditë më parë në Dajç të Shkodrës u arrestua dje nga Policia. Pas një konflikt të nisur gjatë lojës së pokerit, 33-vjeçari qëlloi me kallashnikov në lokal duke lënë dy persona të vdekur dhe katër të tjerë të plagosur.
https://youtu.be/z_0vHPV4Nmc
