VIDEO / Zanfina Ismaili dedikim prekës engjëllit të saj “M”… Lutja e këngëtares për të ëmën e ndjerë

Zanfina Ismaili, këngëtarja simpatike nga Kosova, ka lançuar këtë pasdite projektin e saj më të ri muzikor, pas një shkëputjeje 1-vjeçare nga muzika. Kënga që i dedikohet nënës së saj të ndjerë, ka një tekst prekës dhe në rreshtat e saj thuhet: “Mos me m’i pa k’ta lotë, kthema ti aromën tënde sot, ngrohma ti kët’ zemrën time t’ftohtë, loçka ime trego ti ku je”… Fjalë këto që vijnë si një lutje nga Zanfina. Mona Ismaili, nëna e tri vajzave Adelina, Ema dhe Zanfina Ismaili, u nda nga jeta në prill të këtij viti, duke i lënë të pikëlluara të tria vajzat e saj. Dhe Zanfina, si më e lidhura me të, ka vendosur që t’i dedikojë engjëllit të saj “M” një këngë dhe ta stampojë përjetë në trup incialin e së ëmës.