Pas plagosjes me armë zjarri nga anëtarët e Babastars, Noizy ka mbajtur fjalën duke mbajtur koncertin e paralajmëruar në Ferizaj, edhe pse atë në Mitrovicë jo, për shkak të procedurave në polici.
Sipas Klan Kosova, në këtë koncert nuk kanë munguar provokimet me sharjet nga më të rëndat.
Koncerti ishte i stërmbushur me fansa të këngëtarit nga Shqipëria. Në një video që e ka siguruar klankosova.tv, Noizy edhe pas plagosjes dëgjohet duke kënduar këngën “Jena Mbretër”, këngë kjo e cila ishte bërë disa vite më parë kundër anëtarëve të Babastars.
Pjesën F*** Babarecords, Noizy e rikthen mbi katër herë, kështu duke marrë mbështetje edhe nga publiku, njofton Klan Kosova. Reperit i është hequr një plumb nga trupi në klinikën e Ortopedisë, por në skenë Noizy dukej shumë energjik.
Shumica e njerëzve ende nuk mund ta kuptojnë se si një person i cili ka marrë një plumb, i nënshtrohet një operacioni për heqjen e tij, vazhdon të jetë në këmbë, e jo vetëm kaq por ka arritur të bëj një koncert të tërë. Përfundimisht Noizy ka fuqi të mbinatyrshme.
