Pas çdo projekti të bukur muzikor, fshihen orë xhirimesh të zgjatura, por dhe prapaskena rraskapitëse. Kështu duket se ka ndodhur edhe me një nga dyshet më të pëlqyera të publikut shqiptar, Miriam Cani dhe Alban Skënderaj. Dy artistët publikuan pak ditë më parë, këngën e tyre më të fundit, me titull ‘Duamë’, e cila u prit mirë nga të gjithë fansat e tyre dhe u kthye në një hit menjëherë.
Ndonëse videoklipi ishte ndër më të emblit që mund të kishim parë deri më tani, për shkak të natyrës fantastike ku ai ishte xhiruar, duket se gjërat nuk kanë shkuar dhe aq mirë për çiftin.
Ka qenë Albani, ai i cili ka publikuar në llogarinë e tij një video ku shihet se si dyshja ka rënë nga motori i ujit, teksa xhironin një prej skenave të klipit.
“Videoklip vs Në të vërtetë”,- ka shkruar Skënderaj në postin e tij më të fundit ku nuk kanë munguar reagimet e shumta nga ndjekësit e tij. Siç duket puna për të sjellë një projekt të mirë kërkon shumë sakrifica dhe këtë na e ka treguar më së miri Miriami dhe Albani.
Kujtojmë se videoklipi i ‘Duamë’ numëron deri më tani 7.2 milionë klikime në kanalin e ‘Youtube’./revistawho.com
https://www.instagram.com/p/BzTN2SigNCQ/?igshid=17mnhn9dxchx3
