Shukri Xhelili ka kërkuar lirinë dje në gjykatë. Përmes avokatit ai ka kërkuar masën detyrim paraqitje, por gjykata nuk e mori parasysh duke e lënë në arrest me burg. Sa i përket fakteve, avokati është shprehur se video e Shukri Xhelilit është e montuar. Ai ka sjellë edhe disa shembuj të tjerë nga gjyqet e personaliteteve, siç ishte rasti i Metës, ku video nuk u mor si provë. Sipas avokatit, Ferdinand Doja, gjykata smund ti besoj këtij filmimi pasi është i montuar, pra nuk dihet se si është origjinali.
Pretendimet e mbrojtësit janë kundërshtuar nga përfaqësuesi i Prokurorisë në sallën e gjyqit. Sipas prokurorit, bazuar në veprimeve hetimore të deritanishme ekziston dyshimi i arsyeshëm se i dyshuari ka kërkuar favore seksuale nga kallëzuesja, në këmbim të punësimit të saj në një nga institucionet vartëse të Bashkisë Dibër.
Gjatë një prononcimi për mediat jashtë sallës së gjyqit, mbrojtësi Doja këmbënguli në pavlefshmërinë e videoregjistrimit. “Gjykata e Lartë ka dhënë më shumë se një vendim lidhur me këto lloj regjistrimesh, që janë absolutisht të pavlefshme si prova. Asnjëherë
nuk janë marrë si provë nga drejtësia shqiptare”, tha avokati./opinion.al
