Ndër reagimet e para lidhur me videon ku Kryetari i Bashkisë së Peshkopisë Shukri Xhelili i kërkonte seks një vajze 20-vjeçare në këmbim të punës, vjen pikërisht nga mazhoranca. Deputeti i Partisë Socialiste Erjon Braçe ka reaguar ashpër përmes një statusi në llogarinë e tij të Facebook. Braçe e konsideron neveritës, përfaqësuesin e partisë së tij në Peshkopi. Ai ka kërkuar që ai të shporret menjëherë nga detyra. “Neveritës!! Të shporret një sahat e më parë! As me duhet cili pleh e ka organizuar dhe kryer, fare fare; edhe pse dhe kjo duhet të hetohet!! Por, tani; Të shporet”, ka shkruar Erjon Braçe.
