Këngëtares Elvana Gjata i vidhen të gjitha fotografitë, videot e mesazhet që dispononte në adresat e ndryshme të rrjeteve sociale dhe në email e aparatin celular. Vetëm pak ditë më parë, Elvana Gjata është alarmuar kur ka parë se fotot që ndodheshin në adresat e rrjeteve sociale ishin zhdukur. Për këtë fakt, i është drejtuar policisë së shtetit, ku burimet thonë se ka komunikuar edhe me ministrin e Brendshëm, i cili ka vendosur ekspertë kibernetik në dispozicion të saj. Prokuroria në bashkëpunim me policinë, pas 5 ditësh nga zhdukja e fotove e videove, ka arritur të gjejë autorët e kësaj vjedhjeje, duke identifikuar 4 adoleshentë të moshës 15-vjeçare, raporton ABC. Menjëherë është ndërhyrë duke i shoqëruar të rinjtë në polici e prokurori së bashku me prindërit dhe i kanë kthyer të gjithë fotot e videot e marra. Nuk dihet nëse ndonjë nga fotot e saj intime apo videot mund t’i kenë ruajtur apo shpërndarë në ndonjë adresë tjetër. Por gjatë marrjes në pyetje ata kanë mohuar një gjë të tillë. Për veprimin e tyre kriminal, prokuroria ka proceduar 4 të rinjët në gjendje të lirë për akuzën e “hyrjes së pautorizuar kompjuterik” në bashkëpunim. Sipas policisë, të rinjët kishin arritur të thyejnë passwordin e adresave (INCLUDE) duke përdorur pyetjen e sigurisë, ku Elvana Gjata kishte shkruar pyetjen e sigurisë, “kur të rritesh çdo të bëhesh?” dhe përgjigjia ishte “këngëtare”. Gjetja e kësaj përgjigje ka bërë që të rinjtë të hynë në adresat e saj dhe të përvetësojnë të gjitha fotot e videot e saj. / GazetaTema
Vidhen fotot, videot dhe mesazhet intime të Elvana Gjatës
