Jonida Maliqi vazhdon turin e prezantimit të këngës ‘Ktheju Tokës’ në vende të ndryshme të Europës dhe videot apo fotot nga mikpritja që i kanë bërë fansat janë të shumta. Së fundmi është publikuar një sondazh ku janë të renditura të gjithë artistet femra dhe me anë të votimeve online është krijuar një renditje nga më të pëlqyerat tek më pak të preferuarat.
Në vendin e dytë nga ky sondazh renditet këngëtarja shqiptare e cila siç duket është pëlqyer shumë nga publiku europian.
‘Ktheju Tokës’ deri më tani është një nga këngët më të pëlqyera të këtij edicioni të ‘Eurovision’. Për pak javë fillojnë edhe netët live, ku Jonida ka rezervuar shumë surpriza për publikun shqiptar dhe të huaj. / revistawho.com
