U bënë tashmë më shumë se dy vjet që Viola dhe Petrula Spiro kanë lënë ‘Fiks Fare’ e megjithatë ato nuk i kanë munguar ekranit.
Më shumë e pranishme ka qenë Viola, e cila ka drejtuar programet sportive ne Digitalb dhe në televizione të tjera. Ndërsa motra e saj ka zgjedhur të jetë më e tërhequr. Megjithatë ato i sheh gjithkund bashkë. Mbrëmjen e djeshme, në emisionin sportiv Euro Skaner në Ora News, i drejtuar nga Viola, e ftuar ka qenë edhe motra e saj. Ngjashmëria e tyre është e madhe, por tani që Petrula është bërë bjonde, është shumë e vështirë ti dallosh. Në një foto të postuar nga Viola pak përpara emisionit, ato ngjajnë tamam si dy binjake. “Me binjaken”, shkruan prezantuesja simpatike. Edhe ndjekësit e saj në Instagram janë mahnitur nga ngjashmëria e motrave Spiro dhe me të drejtë kanë pyetur: ‘Kush është Viola’?
