E ftuar në programin e Rudina Magjistarit, Viola Spiro foli për lidhjen e saj të dashurisë. Ajo tregoi se tanimë ka një marrëdhënie publike e se në çdo ambient në Tiranë e shohin me të dashurin. Por pavarësisht kësaj, ish-velina e “Fiks Fare” deklaroi se fakti që prej vitesh ka statusin e një njeriu publik e ka bërë të vuajë. Ndaj ajo nuk do ta donte një gjë të tillë për të dashurin e saj. Kjo është arsyeja që Viola nuk publikon foto me të. “Në momentin që e kam pranuar që jam prej kohësh e lidhur me këtë publik djalë, është një lidhje publike. Por ai nuk është personazh. Unë e kam vuajtur të qënit person publik. Nuk do doja që i dashuri im të kishte të njëjtin presion”, tha ajo. Në fund Viola dha një mesazh për njerëzit që bëjnë komente negative në Instagram, duke i kërkuar atyre të jenë më pozitivë e të shohin jetën e tyre.
