Lista e personazheve të njohur që kanë prenotuar për të kaluar pushimet jashtë vendit, madje duke vazhduar të zgjedhin Turqinë edhe pas akteve të dhunës në aeroportin e Stambollit, është e gjatë. Ardit Gjebrea, Olti Curri, Rozana Radi, Sinan Hoxha, Big Mama, etj kanë prenotuar si çdo vit tjetër të kalojnë disa ditë pushime në bregdetin e Antalyas, apo Alanias. Por nëse këta janë pushuesit e gushtit, në bregdetin turk kanë mbërritur këto ditë për të pushuar, lojtari i kombëtares kuq e zi, Andi Lila, një nga emrat që ndezi zemrat e tifozëve ne lojën e skuadrës tonë në “Euro 2016”, ai ka zgjedhur nje hotel super luks ne Belek (Antalya), ku po pushon së bashku me familjen e tij. Nuk ka si të mos ndjesh zili kur je në vapë dhe duhet të punosh, ndërkohë që sheh fotot e gazetares së njohur Beti Njuma që vazhdon të zgjedhë si çdo vit që të pushojë disa ditë jashtë vendit, këtë radhë në Antalya. Ajo është duke kaluar këto ditë të fund qershorit në praninë e binjakëve të saj çamarrokë dhe plot energji në një hotel me pesë yje.
Nuk dihet nëse po frymëzohet për ndonjë këngë, apo për t’u shlodhur nga këngët që ka bërë në këto kohë, por kantautori romantik Dren Abazi, megjithë rrëmujat, nuk i ka thënë jo pushimeve në bregdetin turk. Dreni, nuk ka humbur kohë, por pas disa postimesh ne snapchat, bashkë me miq, ka marrë një barkë dhe ka filluar shëtitjet në det, duke na bërë të ëndërrojmë dhe të mendojmë edhe ne për pushimet tona… Të njëjtën gjë ka bërë edhe Nora Istrefi, madje bashkëshorti i saj po xhiron videoklipin në destinacionin e preferuar të turistëve.
