Nëse jeni një përdorues i ‘Instagram-it’ është e pamundur të mos e keni vënë re sfidën më të re. Bëhet fjalë për një sfidë ku publikohen foto të vjetra, para 10 vitesh dhe një foto e re, në mënyrë që të duken ndryshimet që keni pësuar. Kjo sfidë, është ndjekur më shumë nga VIP-at edhe pse nuk kanë qenë shumë ato që kanë guxuar.
Jessica Biel ka vërtetuar se sa më shumë vite kalojnë, aq më shumë rinohet.
Moderatori Ryan Seacrest ka publikuar një foto në ‘Instagram’ dhe ka shkruajtur: “Kur koha dhe produktet e flokëve janë në anën tënde”.
Sigurisht nuk mund të mungonte një koment qesharak në foton e komedianit Kevin Heart. Ai ka shkruajtur: “Kjo sfidë më ka bërë të kuptoj që unë thjesht kam fytyrën e një burri të vjetër”.
Aktorja, modelja dhe producentja Lori Loughlin ka publikuar një foto të vitit 2009 dhe një të vitit 2019. Ajo vazhdon të duket njësoj, madje duket akoma dhe më e mirë.
Aktorja Candace Cameron-Bure gjithashtu është bërë pjesë e sfidës dhe përveç modelit të flokëve, asgjë tjetër nuk ka ndryshuar në pamjen e saj./revistawho.com
