Janë të famshme, janë të bukura, janë frymëzim për shumë prej jush. Dinë çfarë është e bukur dhe e sjellin në mënyrën më të mirë të mundshme edhe nëse bëhet fjalë për një selfie të thjeshtë. E keni vënë re trendin më të ri të injektuar mes VIP-ave, atë të Selfie-ve para pasqyrës. Shumë prej jush me siguri ‘kopjojnë’ prej tyre mënyrën e qëndrimit apo diçka të ngjashme. Ja cilat janë bukuroshet shqiptare që kanë tërhequr vëmendjen me Selfie-t e tyre. Por pas këtij fenomeni ka diçka të fshehur që ndoshta as ato vetë nuk e dinë…
Luana Vjollca
Emina Çunmulaj
Lori Hoxha
Nora Istrefi
Era Istrefi
Marina Vjollca
Afërdita Dreshaj
Aurela Hoxha
Kida
Betatrix Ramosaj
Ju zbuluam disa nga femrat më të njohura dhe më simpatike të ekranit, që Selfie-t i kanë kthyer në trend. Por e dini çfarë fshihet pas Selfie-ve? Për t’ju ndihmuar të kuptoni dhe të evitoni të ‘humburin e vetvetes” kemi sjellë të dhëna nga një studim i mirëfilltë. Milena Turtulli, me titullin psikologe klinike ka treguar për “RevistaWho.Com“, se të bërit Selfie nuk është një veprim i rëndomtë, por tregon çfarë po ndodh me ‘Ty’.
Studimet më të fundit, – siç është shprehur psikologe Milena, – janë fokusuar në pasojat e padëmshme të Selfie-ve, që tashmë dhe aq të padëmshme nuk janë. “Personat që bëjnë vazhdimisht Selfie, por publikojnë vetëm një në ditë konsiderohen normalë, por të tjerët që publikojnë minimalisht 6 të tilla ose edhe më shumë janë të rrezikuar nga çrregullimi më i ri në qarkullim, ‘fiksimi i vazhdueshëm i portretit vetjak dhe shfaqja e këtij të fundit në skenën e rrjeteve sociale’.Personat që kanë nevojë të pashtershme të publikojnë imazhin e vetes duke kërkuar aprovimin e të tjerëve duket se vuajnë një vetëvlerësim të ulët dhe janë në kërkim të ndjesisë së sigurisë në vetvete.
Pikërisht këta persona kaq të qendërzuar në pamjen e tyre të jashtme, rezultojnë problematik në shoqëri, në marrëdhëniet në çift, duke sendëzuar njerëzit që i rrethojnë. Një lidhje e rëndësishme ekziston mes personave që bëjnë vazhdimisht Selfie e i publikojnë ato dhe ndërhyrjeve kirurgjikale, të cilave u nënshtrohen për të përmirësuar pamjen e tyre të jashtme dhe si rrjedhoje Selfie-n perfekte. Sa me shumë Selfie, aq më shumë e konsideron të përmirësosh veten nëpërmjet kirurgjisë”, -është shprehur ajo në vazhdim.
Dhe si për ta përmbyllur nuk mundi të largohej pa e dhënë një këshillë për të gjithë ne “të marrosurit pas teknologjisë”: “Një foto vlen sa 1000 fjalë! Është këndshëm të ndash një foto kur ndihesh gjithë nur e lezet, të peshkosh disa komplimente e të përkëdhelesh sedrën, por mes një Selfie-je e një tjetre ndaloni të reflektoni për pasojat që ky ‘show’ mund të ketë në jetën tuaj. Le të mos ushqejmë tek më të rinjtë idenë se ti vlen aq sa ‘like’ mund të vjelësh me një foto tënden, sepse vlerat tona nuk mund dhe nuk duhet të përcaktohen nga një veprim kaq sipërfaqësor. Le të mbetet Selfie një akt i vogël vetëkënaqësie për të përcjellë momente të vërteta dhe pastaj ulni Smartphone-in e jetoni. Në fund të fundit njerëzit e kanë bërë këtë prej shekujsh e ja kanë dalë më së miri”. / revistawho.com
