Në ‘showbiz-in’ shqiptar kemi vënë re se VIP-at tanë kanë profesione dhe hobi të ndryshme, por kemi parë nga ata që pas pasionit të tyre kryesor që i ka udhëhequr shumicën e kohës, siç është aktrimi apo moderimi, kanë zgjedhur gjithashtu të përfshihen edhe në muzikë duke e kompletuar kështu veten dhe me një element tjetër.
Kur e themi këtë normalisht disa emra na vijnë në mend siç janë:
Olsi Bylyku, i cili fillimisht u shfaq si aktor humori në ‘Portokalli’ dhe tashmë ai zotëron dhe disa këngë në repertorin e tij, që janë: ‘Një gotë dashni’, ‘Si të flas’.
Një tjetër emër është dhe Bes Kallaku, i cili pavarësisht karrierës së gjatë si aktor humori, vendosi të jetë pjesë edhe e muzikës. Ai e përfshiu anën komike të tij dhe në këngët e videoklipet që solli si: ‘Na vjen dita’, ‘Makarena’, ‘Daja’ etj.
Klea Huta është bukuroshja të cilën e pamë nën moderimin e ‘Top fest’, ‘Gjeniu i vogël’, ‘Maratona e këngës popullore’ etj, por pavarësisht aftësive të saj në moderim dhe aktrim bukuroshja u shfaq dhe në muzikë me këngët: ‘Amla’, ‘Bla bla bla’.
Luana Vjollca të cilën ishim mësuar ta shihnim për shumë gjatë vetëm si moderatore , e pamë gjithashtu se si hyri në muzikë. Ajo I kushtoi kohën e vetë dhe tashmë numëron disa videoklipe me këngët e saj si: ‘Benzina’, ‘Tirana lifestyle’, ‘Askush s’do ta besojë’ etj.
Duket se sa më shumë kohë kalon, më shumë do të shohim aktorë apo moderatore që do të përfshihen edhe në muzikë./revistawho.com
