Dy ditë më parë, vogëlushi i Sara Hoxhës dhe Ledion Liços, Roman, festoi ditëlindjen e tij të parë në një festë gjigande në natyrê. Ishte Lori ajo që fillimisht ndau disa foto nga festa, e cila kishte kafshë të vogla dhe lojëra të ndryshme për fëmijë, por që pjesë e tyre u bënë dhe të rriturit. Duket se kjo ka qenë një ditë shumë e bukur për familjen Hoxha, ndërsa së fundmi edhe Sara ka shkruar mbi këtë vit plot emocione për të. “Të dielën festuam vitin e parë të lindjes së Romkit. Ishte më i lumturi i të gjitha kohërave! Viti i kaluar ishte i mbushur plor me gëzim e aventura, teksa ambientoheshim në një familje me katër persona. Kurrë në 1 milion vjet s’do ta imagjinoja dot 1 vit më parë, sa shumë dashuri do të kisha për fëmijën tim të dytë! Të dua shumë arusho!”, shkruan Sara në postim, ku duket një kënd nga festa. Kujtojmë se Sara dhe Ledioni janë edhe prindër të një tjetër djali më të rritur, të quajtur London.
https://www.instagram.com/p/CGRm-iIH6HJ/?igshid=13ag4gkgop6sh
