Rita Ora ka arritur një sukses të jashtëzakonshëm që në fillimet e karrierës së saj. Ndër të gjitha vitet, 2018-a mund të themi se ka qenë viti i saj me fat. Megjithatë më mirë se ajo nuk e di askush tjetër, prandaj këngëtarja me origjinë shqiptare ka bërë një rezyme të të gjithë vitit që për pak ditë presim ta lëmë pas. Ndërkohë ajo ka lajmëruar se në 2019-n plotësohen 10 vite karrierë në muzikë dhe Rita duket shumë e lumtur për këtë.
“Nuk mund të filloj t’ju them çfarë viti ka qenë ky për mua, nga publikimi i albumit tim deri tek të gjithë personat që më kanë ndihmuar gjatë këtij udhëtimi për të arritur këtu ku jam. Ne kemi akoma më shumë ëndrra për të realizuar me skuadrën ORA, por vitin tjetër do të bëhen 10 vite në këtë lojë për mua. Jam shumë e bekuar të bëj atë çfarë dua çdo ditë dhe të harroj se është punë! Këtë krishtlindje jam mirënjohëse për shëndetin tim, karrierën, miqtë dhe familjen, por më e rëndësishmja fansat e mi që asnjëherë nuk kanë hequr dorë nga unë!”, – ka shkruar këngëtarja bashkangjitur një postimi në ‘Instagram’. Ajo ka paralajmëruar edhe njëherë të gjithë dashamirësit e muzikës së saj, që të fillojnë të bëhen gati për turneun ‘Phoenix’, i cili do të mbahet vitin tjetër në disa vende të ndryshme. /revistawho.com
