Futbollisti i njohur brazilian Neymar Jr. dhe partnerja e tij, Bruna Biancardi, kanë ndarë me ndjekësit e tyre një lajm të mrekullueshëm: çifti është bërë prindër për herë të dytë! Ata kanë mirëpritur në jetë vajzën e tyre, të cilën e kanë pagëzuar me emrin Mel – që në portugalisht do të thotë “mjaltë”.
Lajmin e ëmbël e kanë bërë publik përmes një postimi të përbashkët në rrjetet sociale, ku kanë shpërndarë emocionet e tyre të para si prindër të vajzës së porsalindur:
“Mel-i ynë erdhi në jetë, për ta plotësuar dhe ëmbëlsuar edhe më shumë botën tonë!
Mirë se erdhe, bijë! Zoti e bekoftë jetën tënde dhe të të mbrojë nga çdo e keqe!
Jemi të emocionuar të nisim këtë kapitull të ri me ty. Të duam pafund!”
Neymar është tashmë baba i 4 fëmijëve: Davi Luca, Mavi, Helena dhe Mel.
