Një deklaratë e papritur nga këngëtarja e njohur Lore ka ndezur rrjetet sociale dhe ka ngritur pikëpyetje për një hyrje të mundshme të saj në reality show-n më të madh në vend.
E ftuar në emisionin radiofonik “She’s On Air” në Top Albania Radio, Lore nuk u kursye për të dhënë përgjigje të sinqerta, por edhe për të lënë të hapur një derë për atë që mund të bëhet surpriza më e madhe e këtij sezoni televiziv.
E pyetur për një mundësi hyrjeje në Big Brother, ajo pranoi hapur:
“Mua më ka ardhur një ftesë edhe vjet, por unë nuk isha gati vjet. A jam gati tani? Nuk e di, do ta zbuloj kur të më vijë ftesa…”
Deklarata e saj ka bërë që fansat të shpërthejnë në komente, duke spekuluar se këtë vit mund të shohin këngëtaren brenda shtëpisë më të famshme.
Gjatë intervistës, Lore nuk u tërhoq as nga pyetjet më pikante. E pyetur nëse do të shkonte ndonjëherë në një takim me një fans të çmendur pas saj, ajo tha shkurt:
“Po.”
Por, ndryshe nga sa mund të prisnin shumë, ajo pranoi se nuk ka fshirë kurrë një këngë vetëm sepse i kujtonte momente të këqija:
“Jo, aspak.”
Me këtë qëndrim të drejtpërdrejtë dhe me përgjigje që lënë vend për shumë interpretime, këngëtarja duket se është gati të shkaktojë bujë nëse vërtet do të bëhet pjesë e Big Brother. Tani pyetja që mbetet është vetëm një: A do ta shohim Lore brenda shtëpisë këtë sezon, apo gjithçka është vetëm një lojë për të mbajtur publikun pezull?
