Kryeministri Edi Rama dhe ministrja e Mjedisit e Turizmit, Mirela Kumbaro kanë takuar së bashku në samitin e Klimës aktorin me famë botërore Leonardo DiCaprio.
Ai shihet në këmbë pranë aktorit duke diskutuar me të.
“Kur je komshi me Leonardo DiCaprio dhe të lidh mbrojtja e Vjosës,”- shkruan Rama krah fotos .
Ndërsa Mirela Kumbaro, e cila u ka bërë një kolazh fotove të takimit, shkruan “Leonardo Di Caprio gjithaq në mos më shumë se politikanët i shqetësuar për planetin. Kauzat e mbrojtes së mjedisit, mbrojtja dhe zhvillimi i qëndrueshëm i Lumit Vjosa, kapërcejnë të gjitha kufijtë dhe ekranet dhe na bëjnë bashkë me yjet e kinemasë botërore”, shkruan Kumbaro.
Aktori i famshëm i Hollivudit, Leonardo di Caprio ka mbështetur nismën për mbrojtjen e lumit të Vjosës në Shqipëri që nga viti 2019. Ai është shprehur kundër vendimit për të ndërtuar hidrocentrale në Vjosë, i cili është një ndër lumenjtë e fundit të egër dhe të paprekur nga dora e njeriut që ekzistojnë në Evropë.
