Rreth një muaj më parë stilisti i njohur shqiptar, Valdrin Sahiti, u bë baba për herë të parë. Në fakt Valdrini dhe bashkëshortja e tij, Edita Ramadani, zgjodhën që vajza e tyre të vinte në jetë në SHBA. Pas disa ditë qëndrimi atje, Edita dhe vogëlushja Bella u rikthyen në Kosovë për të qëndruar pranë babi Valdrinit. Ditën e djeshme më në fund e gjithë familja u bë bashkë dhe për këtë gjë stilisti kishte përgatitur një surprizë shumë të veçantë për dy femrat e jetës së tij. Ai kishte shkuar t’i priste në aeroportin e Prishtinës, ndërkohë që në shtëpi i priste një festë e ngrohtë.
Valdrini kishte ftuar të gjithë personat më të afërt për t’i uruar mirëseardhjen Bellës dhe Editës. Madje e gjithë shtëpia ishte dekoruar në ngjyrë rozë dhe ishte e mbushur rreth e rrotull me ëmbëlsira, si për të treguar se vajza e tij që tashmë i mbush jetën me ëmbëlsi mbërriti në shtëpi. /revistawho.com
