Grupi i famshëm i “rock”-ut AC/DC ka bërë me dije nëpërmjet një postimi arsyen se pse e kanë shtyrë pjesën e mbetur të turit në Shtetet e Bashkuara të Amerikës.
Banda shpjegon se vokalisti i grupit ka rrezik të shurdhohet krejtësisht, ndaj doktorët i kanë thënë atij, që të ndalojë menjëherë koncertet.
Ky lajm i keq për grupin vjen pas atij të vitit të kaluar, kur bateristi Phil Rudd u dënua me 1 vit burg për posedim lëndësh narkotike. Ndërkohë, në vitin 2014 u tha se themeluesi i bandës dhe kitaristi Malcolm Young nuk do i bashkohej AC/DC në tur sepse vuante nga skleroza.
Brian Johnson është vokalist i grupit që nga viti 1980.
