Adele mund të ketë pushtuar botën me muzikën e vokalin e saj unik, por jo Noel Gallagher, ish-pjesëtarin e grupit britanik, Oasis. Ish-rokeri 48-vjeçar e ka sulmuar hapur yllin e hitit “Hello”, duke e konsideruar muzikën e saj si “të përshtatshme për gjyshërit”. Duke folur për website australian “Music Feeds”, Noel tha se nuk ka frikë që ta shpreh hapur mendimin e tij, sepse beson se këngët e Adele janë bosh, transmeton “NOA”. “Nuk e kuptoj përse kaq zhurmë. Muzika e saj nuk më pëlqen aspak, mendoj se është muzikë për gjyshër”, deklaroi Gallagher. Me albumin e saj më të fundit, “25”, Adele theu rekordin e Oasis, për albumin të shitur më shpejt në Britani.
Dev by Techzero1.com