Presidenti i Ukrainës, Volodymyr Zelensky, dhe “shpirti i Ukrainës” janë shpallur “Njeriu i Vitit” për vitin 2022 nga revista Time.
Zelensky, 44 vjeç, është quajtur hero nga shumë njerëz në vendin e tij dhe jashtë saj, dhe gjatë vitit të kaluar, u cilësua si një simbol i sfidës dhe demokracisë, ndërkohë që ai vazhdon të udhëheqë kombin përmes sulmeve të paprovokuara të Rusisë ndaj Ukrainës.
“Suksesi i Zelenskyy si udhëheqës është mbështetur në faktin se guximi është ngjitës. Ai u përhap përmes lidershipit politik të Ukrainës në ditët e para të pushtimit, pasi të gjithë e kuptuan se Presidenti nuk ishte larguar,” tha reporteri i Time Simon Shuster.
Forcat ruse pushtuan Ukrainën më 24 shkurt dhe Zelensky refuzoi të largohej nga Kievi, për të qëndruar në terren dhe për të mbështetur popullin e vendit të tij. “Lufta është këtu; Unë kam nevojë për armë, jo për një udhëtim”, tha Zelenskyy sipas një postimi në Twitter të shpërndarë nga ambasada ukrainase e Britanisë më 26 shkurt.
Çmimi i jepet personit që shihet se ka pasur ndikimin më të madh në ngjarjet globale gjatë 12 muajve të fundit.
Finalistët e tjerë për çmimin përfshinin protestues në Iran, Xi Jinping të Kinës, Elon Musk dhe Gjykatën e Lartë të SHBA.
Kryeredaktori i revistës Edward Felsenthal tha se vendimi për të zgjedhur presidentin ukrainas ishte “më i qartë në kujtesë” pra më i lehtë për t’u perceptuar.
