Gjykata e Korçës ka vendosur sot të lërë në burg, 17-vjeçarin, Fabian Muçollari, i cili vrau me armë moshtarin e tij, Fabio Hila, pas sherrit të nisur për një femër në Facebook. Vendimi u mor në seancën e sotme, pasi trupi gjykues mori në shqyrtim akuzën e prokuroisë. I pranishëm në seancë ka qenë autori, që në dëshmitë e dhënë më herët ka pranuar me gjakftohtësi krimin e kryer, pa shfaqur pendesë. Madje ka rrëfyer edhe detajet se si nisi sherri në FB, si replikuan me fyerje e kërcënime në telefon e më pas rrëmbeu armën që e mbante të groposur dhe shkoi te lokali ky po rrinte viktima dhe e ekzekutoi në vend. Në sallën e gjyqit ishte i pranishëm vetëm babai i autorit, i cili është fotografuar në gjendje të dëshpëruar dhe me kokë të ulur, ndërkohë që ra në sy mungesa e familjarëve të tjerë. /Panorama
