Wikileaks lëshon “bombën” e radhës: Clinton dhe Obama themeluan ISIS-in

Vijojnë publikimet e WikiLeaks të serverit të e-maileve të kandidates demokrate për presidente, Hillary Clinton. Goditja më e fundit e Julian Assange dhe rrjetit të tij të rrjedhjes së informacioneve konfidenciale, është se Hillary Clinton dhe presidenti Barack Obama janë krijuesit e Shtetit Islamik. Publikimi i një e-maili mes Clinonit dhe shefit të fushatës së tij, John Podesta tregon se “inteligjenca perëndimore dhe amerikane janë në rajon” për të akuzuar Katarin dhe Arabinë Saudite se mbështesin nga ana logjistike dhe financiare, grupin radikal ISIS. Portali “360grade.al”, shkruan sot se në një kohë kur kandidatja për presidente e SHBA akuzon këto dy shtete si financuese të terrorizmi, një dokument tregon se donacionet më të mëdha për fushatën e saj vijnë pikërisht nga këto dy vende. Në një tjetër korrespodencë të vitit 2012, Drejtori i Politikave të Jashtme i Fondacionit të Clinton, Amitabh Desai organizoi një takim pesë minutësh me Bill Clintonin, takim në të cilin ai mori si “dhuratë” 1 milion dollarë nga Katari. Për ata që ende nuk i kuptojnë këto indicie, Hillary, në atë kohë Sekretare e Shtetit, do t’u shiste atyre sasi të mëdha armësh vetëm nëse ata i jepnin një “donacion” për fondacionin e saj. Këto armë të ofruara nga Hillary dhe Departamenti i Shtetit, atëherë të kamufluara nën emrat e shteteve si Arabia Saudite, Katari dhe Libia, kanë furnizuar dhe forcuar grupet terroriste. Në këtë mënyrë është krijuar ISIS. Dhe në vend që Clinton dhe Obama t’i sulmonin ata me bombardime nga ajri i lanë të qetë. Për një arsye të vetme, pasi kjo organizatë i krijoi atyre mundësinë për të fituar miliona dollarë.