Wikileaks duket se më në fund do t’i japë përgjigje një prej pikëpyetjeve më të mëdha në SHBA. Bëhet fjalë për pasurinë e Donald Trump.
Presidenti i ri amerikan vazhdimisht ka refuzuar të bëjë publike pagesat e taksave lidhur me të ardhurat e tij personale.trump
Por, Wikileaks ka bërë thirrje pubklike që kushdo që i ka këto të dhëna t’i dërgojë në mënyrë që të bëhen publike, transmeton Panorama.
WikiLeaks ka bërë një kërkesë të tillë edhe pse javët e fundit dukej se mes Julian Assange dhe Trump kishte marrëdhënie të ngrohtë. Një zhvillim i tillë vjen pasi zëdhënësja e Trump, Kellyanne Conway tha se këto të dhëna nuk do të publikoheshin kurrë. Ndërsa vetë Trump më parë ka deklaruar se do ta bënte publik dokumentin, por shtoi se po pret që të “auditohen”.
Ndërsa online, mijëra persona kanë firmosur një peticion për publikimin e dokumentit.
Çdo president që prej vitit 1976 ka bërë publike të dhënat mbi taksat, por zëdhënësja e Trump u shpreh se nuk beson se amerikanëve u intereson pasuria e tij.
