Teleshikuesit që ndjekin serialin “Si ta quaj këtë dashuri” e dinë tashmë që Kushi i pëlqen shumë xhalebitë dhe me siguri keni dashur të dini çfarë shije kanë që Kushi i pëlqen kaq shumë. Por shumë thjesht ato mund t’i bëni në shtëpi. Revista Who ju sjell recetën e xhalebive.
Përbërësit: miell, kos, gjalp, sheqer, sodë buke, miell misri dhe vaj. Nëse doni që xhalebitë t’ju dalin të verdha ose portokalli duhet të keni dhe ngjyrues ushqimor. Gjithashtu ju duhet edhe kardamom të cilën mund ta gjeni në dyqane erëzash.
Në një tas përzini miellin, sodën e bukës dhe miellin e misrit. Shtoni gjalpin dhe më pas ngjyruesin ushqimor. Më pas shtoni kosin dhe gjalpin. Përzini mirë derisa të bëhet një masë e trashë. Lëreni për 8 ose 10 orë.
Pas kësaj duhet të bëni shurupin e ëmbël i cili përgatitet duke hedhur ujë në një tigan. Më pas hidhni sheqer dhe përzijeni. Pasi të jetë tretur dhe shpërbërë mirë, hidhni kardamomin dhe përzijeni sërish.
Më pas nxehni vajin në një tigan me nxehtësi mesatare. Nga ana tjetër merrni një copë si në foto, hapini një vrimë dhe mbusheni me xhalebi. Bëni rretha duke mbajtur copën e mbushur me xhalebi. Skuqini derisa të marrin ngjyrë floriri dhe të bëhen krokante.
Më pas xhalebitë zhytini në shurupin që përgatitët për 2 ose 3 minuta. Sigurohuni që shurupi është i ngrohtë dhe jo shumë i nxehtë. /revistawho.com
