Xhemi Shehu ka vendosur t’i bëjë disa dhurata kopshtit 1 në Ersekë dhe këtë na e ka zbuluar aktori i njohur, Erion Isai. Me anë të një postimi në llogarinë e tij në ‘Instagram’, ku ka treguar ambientet e kopshitit, Erioni ka zgjedhur dhe të falenderojë publikisht Shehun. “Faleminderit @xhemishehu për dhuratat tek kopshti 1 në Ersekë. Mirënjohës”, ka shkruar Isai në foton e tij. Në postim nuk ka munguar as përgjigja e moderatores e cila ka pohuar publikisht se për të ka qenë një kënaqësi.
Mesa duket Xhemi së bashku me Erionin janë kujdesur t’i dhurojnë buzëqeshje më të vegjëlve, duke i surprizuar me dhuratat e realizuara. Kujtojmë se kjo nuk është hera e parë që personazhet publikë zgjedhin të ndihmojnë vende në të cilat ka nevojë për ndihmë, ndonëse shumë shpesh ata preferojnë të ruajnë anonimatin.
