Xhemi Shehu ka shumë vite që është pjesë e televizionit dhe kush e mban mend në fillimet e saj e di që moderatorja ka qenë një brune mjaft simpatike. Tashmë prej kohësh Xhemi ka hequr dorë nga ngjyra e saj natyrale për t’u bërë bionde, duke qenë se kjo është edhe më e pranueshme për ekranin. Megjithatë duket se moderatorja ka vendosur të rikthehet në natyralitetin e saj dhe të bëhet sërish brune. Ditën e sotme ajo ka publikuar një foto në ‘Instagram’ në të cilën shihet se flokët i ka lyer në ngjyrë çokollate.
Ky ndryshim në ‘look’ erdhi i papritur, ndaj të gjithë fansat e saj janë befasuar kur e kanë parë. Menjëherë pas publikimit të imazhit ata kanë nisur nga komentet dhe duket se janë të ndarë në dy opinione të ndryshme. Disa prej tyre thonë se duket më mirë bionde, e të tjerë mendojnë se moderatorja duhet ta kishte bërë më parë këtë ndryshim, sepse ngjyrat e errëta i nxjerrin në pah tiparet.
Megjithatë në fund të gjithë bien dakord se Xhemi duket shumë bukur në të dyja format, ndaj ajo do të jetë gjithmonë një nga më të preferuarat e publikut. /revistawho.com
