Finalistja e “Big Brother VIP Kosova”, Xheneta Fetahu, e cila gjatë qëndrimit në shtëpi krijoi një romancë me Gjestin, ka bërë disa veprime që kanë tërhequr vëmendjen pas përfundimit të spektaklit.
Pasi doli nga shtëpia, Xheneta e shtoi Gjestin në listën e saj të ndjekësve në Instagram, gjë që nuk ka ndodhur nga ana e Gjestit. Kjo megjithatë, mund të justifikohet me faktin se Gjesti aktualisht është pjesë e “Big Brother VIP Albania 4” dhe nuk menaxhon vetë rrjetet sociale.
Pavarësisht kësaj, Xheneta ka treguar se nuk ndjen asnjë lloj hatërmbetjeje ndaj këngëtarit. Këtë e ka konfirmuar edhe gjatë qëndrimit të saj në shtëpi, ku pranoi se ishte penduar për ndarjen nga ai.
“Nuk kam asgjë kundër tij,” kishte theksuar Xheneta, duke lënë të kuptohet se ndjenjat për Gjestin nuk janë zhdukur plotësisht.
