Nuk ka qetësi mes ish-banorëve të Big Brother VIP Kosova 3. Xheneta Fetahu ka zbuluar së fundmi se rrugët e saj me Gjestin janë kryqëzuar disa herë pas përfundimit të spektaklit, por jo pa tensione.
E ftuar në një live në TikTok, Xheneta rrëfeu se ka shmangur qëllimisht takimet me të, sidomos në palestër, pasi siç ajo pranoi, të dy janë ndeshur në të njëjtën palestër! “Kur kuptova në çfarë ore ushtron, e ndryshova orarin. Nuk doja të përplaseshim,” tha ajo, duke lënë të nënkuptohet se marrëdhënia mes tyre ka mbetur e ngrirë.
Por ajo nuk ka munguar të tregojë edukatë – të paktën sipas saj. “Ia kam uruar ditëlindjen me mesazh. I urova suksese, por nuk më është përgjigjur. S’ka problem, kemi ngrënë bukë bashkë,” u shpreh me një dozë ironie Xheneta, duke hedhur edhe një thumb për indiferencën e Gjestit.
Situatat e pakëndshme mes tyre duket se kanë vijuar edhe në ambientet e Top Channel. “Kur më pa live, më shikonte sikur kishte frikë. I thashë: aman, s’do të të mbys, ka mbaruar Big Brother,” rrëfeu ajo, duke lënë të kuptohet se Gjestit nuk i vjen aspak mirë ta ketë përballë.
Megjithëse spektakli ka mbaruar, përplasjet dhe tensionet mes disa ish-banorëve vazhdojnë të jenë temë e nxehtë për publikun. Dhe siç duket, historia mes Xhenetës dhe Gjestit ende s’ka thënë fjalën e fundit.
