Finalistja e Big Brother VIP Kosova, Xheneta Fetahu ka publikuar disa biseda telefonike të incizuara me Drilon Ramën, fituesin e këtij edicioni, duke e akuzuar atë për sjellje të pandershme dhe kërcënime.
Në audio-përgjimet e publikuara, Driloni dëgjohet duke i kërkuar takim Xhenetës në orët e vona të natës, duke lënë të kuptohet qartë se ka prirje për flirt me të. Për më tepër, ai shprehet se nuk ka më interes për Sarën, vajzën me të cilën krijoi një lidhje brenda shtëpisë.
Sipas Xhenetës, ajo vendosi t’i publikojë këto incizime pasi ishte e kërcënuar nga Driloni dhe menaxheri.
Pas publikimit të përgjimeve telefonike, Driloni ka angazhuar një avokat për të ndërmarrë masa ligjore kundër finalistes Xheneta Fetahu.
Sipas menaxherit të Drilonit, Fisnikut, publikimi i këtyre bisedave ka dëmtuar imazhin dhe dinjitetin e tij, ndaj kanë angazhuar avokaten Bedrie Rexhepi për të ndjekur çështjen.
