“Tani jetojmë në një shtëpi”. Kështu deklaruan dy të rinjtë shumë të pëlqyer të “Big Brother 9” Xheni dhe Benardi. Të ftuar në programin rinor “Top Select” në “Top Channel”, çifti treguan për përditshmërinë e tyre pas përfundimit të “Big Brother”. “Kemi vendosur të jetojmë në një shtëpi. Po kalojmë shumë mirë”, shprehet Xheni ndërsa Benardi sqaron se kush i bën punët.
“Punët e shtëpisë i bën Xheni po me gatimin kemi pak probleme”, thotë ai, ndërsa Xheni e ngacmon duke treguar se “Benardi është edhe një njeri që ha pak”.
Pyetjes së prezantuesit nëse kanë frikë për të ardhmen e tyre si çift, duke qenë kaq të rinj ne moshe, Xheni iu përgjigj: “Ne jemi të rinj dhe po e jetojmë gjithçka dalëngadalë. Nëse pas disa kohësh një marrëdhënie konsumohet, domethënë që dashuria nuk paska qenë shumë e fortë. S’e kemi këtë frikë”.
Të dy shprehën se në familjet respektive ndihen “si në shtëpi” e se kanë marrëdhënie të afërta e shumë të lirshme.
“Në fillim takova nënën e Xhenit dhe krijova një lloj afrimiteti. Ndaj e kisha më të lehtë kur shkova në shtëpinë e tyre. Më kishin ardhur informacionet që familjes së Xhenit i pëlqeja ndaj isha i lirshëm. Atyre i dukej sikur më njihnin, jam ndjerë si në shtëpinë time”, tha Benardi, shkruan “revistawho.com”.
Të dy sqaruan edhe një herë acarimin e marredhënieve me Musën dhe Donën. Xheni dhe Benardi treguan se ku do të fokusohen profesionalisht tani, me jetesën e tyre në Tiranë.
“Dua të hap një butik timin. Të sjell këtu një stil ndryshe që ndoshta nuk njihet shumë”, shpjegoi Xheni ndërsa bashkëjetuesi i saj tha se do të fokusohet tek sporti e tek shkolla.
Dyshja simpatike ende nuk e kanë vendosur se ku do t’i kalojnë pushimet./ revistawho.com
