Ditën e sotme Xhensila Myrtezaj dhe Bes Kallaku u bekuan me një vajzë. Kjo është eksperienca e tyre e parë si prindër dhe normalisht që emocionet janë më të forta. Pas gjithë urimeve të ëmbla të miqve dhe të afërmve, Besi vendosi tii dedikonte disa fjalë zemre vajzës së tij. “O lule e bukur e gjakut tim. I gjithë kuptimi i jetës dhe i vetes, qenka jo më i madh se ti, jo më shumë se 2 duart e mia, as më i rëndë se disa kilogramë, sa e vogël bota, kaq sa ti qenka. Asgjë si ty, asnjëherë s’ja kam ndjerë rëndësinë, vlerën dhe plotësinë jetës më shumë se sot”, – ka shkruar Besi. Më tej ia ka zbuluar për të gjithë kuptimin e emrit Ajka, që duket se dhe këtë herë lidhet fort me origjinën e tij.
“Vendosem të të quanim AJKA. Babai yt, qysh i vogël mezi priste qe Ija te ziente qumështin dhe fshehurazi ti vidhte AJKËN, si shija më e mirë e fëmijërisë. Nena jote është “ajkë” më vete. Është kujdesur aq shumë për ty, është lutur aq shumë edhe sa shumë te ka kënduar këngë engjëjsh. Nuk do të kesh probleme ninullash me pak fjalë. Edhe unë do përpiqem, por unë di ninulla vetëm për Skiftera, me vjedhje zemrash, edhe për Baftjarin, por që ti s’ke si ta njohësh”, – ka shkruar më tej ai.
Ndërsa Xhensila nuk mundet ta krahasojë dashurinë e të voglës së saj me asgjë tjetër në këtë botë. “Nuk më ka emocionuar asnjë publik sa ty, unë jam publiku yt në fakt, duartrokas gjithçka tënden. Zoti qoftë bariu yt. Ti do jesh lutja ime. Bes, Zoti na bekoi të dyve me më të shtrenjtën dashuri. Unë jam me fat që të kam, më shumë akoma që ti je babi i Ajkës sonë”, – ka shkruar Xhensila. Më tej ajo ka falënderuar Spitalin Amerikan 2 dhe gjithë stafin për korrektësinë dhe gjithë përkushtimin në këtë ditë të rëndësishme.
Tashmë Xhenisla dhe Besi kanë gjithë botën në duart e tyre dhe normalisht përpara botës dorëzohen dhe janë gati t’i dhurojnë çdo gjë mbi të gjitha dashuri pa kushte. /revistawho.com
