Xhensila e “BB8”: Kam qenë gjithnjë në fokus të politikanëve por s’kanë marrë gjë nga unë

Të gjithë e njohim si një prej banoreve më simpatike në “Big Brother 8”, megjithatë pas reality show-t, tjetër rrjedhë ka marrë jeta e saj. Xhensila prej pak kohësh është bërë pronare e një prej resorteve më me famë në Tiranë. Për “Bluetooth” ajo tregon jetën e re si bizneswomen. Nuk lë pa përmendur edhe ngacmimet e shumta që ka nga politikanët shqiptarë, duke u shprehur se ka qenë gjithnjë në fokusin e tyre. “Pjesa e bizneseve janë të detyruar të më ngacmojnë, pasi flasin me mua për të gjitha kontratat që lidhim. Ndërsa, sa u përket politikanëve, unë kam qenë gjithmonë në fokus të tyre, por as nuk kanë arritur gjë, as nuk kanë për ta arritur kurrë diçka me mua. Nuk do të doja të flisja për këtë pjesë, sepse më duket një gjë e ulët të rrish dhe të tregosh ofertat që merr nga ata. Kush është ajo femër që nuk i merr këto propozime, sidomos në momentin që bëhet person publik?! Do ishte një gënjeshtër, do gënjeja veten, pastaj ju”, shprehet ajo.