Xhensila e BB8: Refuzova rolin në telenovelën turke, synoj Italinë

Xhensila Pere, e cila u bë e dashur për publikun shqiptar nga pjesëmarrja në “Big Brother Albania”, ka gjasë të nisë një karrierë në Turqi”. Bukuroshja ka përfaqësuar Shqipërinë në “Miss Exclusive of the ëorld” që u organizua pak muaj më parë në shtetin turk dhe kjo ka bërë që të bjerë në sy të producentëve atje. Direkt pas spektaklit asaj i është propozuar një rol në serialet turke nga producentët, të cilët ndjekin këto evente për të pikasur ndonjë imazh të ri e të pa konsumuar në telenovelat atje. Megjithatë ish-finalistja e “Big Brother” duket se i ka thënë jo kësaj oferte. E kontaktuar nga “Bluetooth” bukuroshja tregon arsyen pse i ka thënë jo kësaj oferte. “Nuk kam shkuar në Turqi për rolin në një serial. Aktualisht po konsideroj ofertat për sfilata dhe projekte të tjera mode që më janë ofruar. E kam fjalën për diçka madhore që më është ofruar në Itali, megjithatë preferoj ta mbaj të fshehtë derisa të firmos kontratën”, shprehet missi. Nga ana tjetër vijon të mbetet e njëjtë situata me Fatjonin. “Me Fatjonin ndahemi, pajtohemi, mbetemi miq të mirë”, ka përfunduar Xhensila.