Pas shumë zërave që kanë qarkulluar në media për shtatzëninë e mundshme të Xhensila Myrtezaj, çifti kanë vendosur më në fund të pranojnë publikisht se do të bëhen prindër.
Ka qenë vetë këngëtarja e cila ka shpërndarë në rrjetet sociale një foto së bashku me bashkëshortin e saj, aktorin e humorit Bes Kallaku.
“Kur dy bëhen tre”, ka shkruar Xhensila bashkangjitur fotos së publikuar në “Instagram” ku Besi duket teksa i përkëdhel barkun e rrumbullakosur këngëtares.
Ndërkohë që edhe aktori ka ndarë lajmin e bukur me fansat e tij. “Kur jetën ta bekojnë të mirat që vijnë dhe mbi të gjitha ata që ti sjellin. Ardhsh me bekimin e zotit”- ka shkruar Besi në rrjetet sociale.
Redaksia e “revistawho.com” i përcjell urimet më të mira çiftit./revistawho.com
