Xhensila Myrtezaj dhe Bes Kallaku shumë shpejt presin të bëhen prindër për herë të parë. Për një kohë të gjatë ata e kanë mbajtur të fshehur shtatzëninë e Xhensilës, por pasi e zbuluan kanë treguar çdo gjë hapur për publikun. Xhensila publikon herë pas here fotografi me barkun e rrumbullakosur dhe reagimi i publikut është i menjëhershëm.
Së fundmi në ‘Instagram’-in e saj këngëtarja ka publikuar disa fotografi e veshur me një fustan klasik për eventin që mbahet për librin e Timo Fllokos, ‘Kërcim në bosh’. Xhensila në fotografi duket thjesht mahnitëse, sepse shtatzënia i ka dhënë një nur shumë të bukur.
Por pas gjithë këtyre fotografive që i lanë të gjithë pa fjalë, duket se është dikush që është lodhur me Xhensilën. Bëhet fjalë për Besin që ashtu si të gjithë burrat i është dashur të presë Xhensilën deri sa të mbarojë shkrepjen e fotografive. “ Hajde zbrit poshtë se kam një orë që po të pres, lëri fotot.”, – ka komentuar Besi. Këto fjalë të Besit kanë shkaktuar shumë të qeshura tek të gjithë ndjekësit në ‘Instagram’. /revistawho.com
