Kënga më e fundit e këngëtares Xhensila Myrtezaj në bashkëpunim me reperin Mozik, u hoq dje nga Youtube. Ishte vetë artistja qe e njoftoi këtë në llogarinë e saj të Facebook, duke shënuar se dikush “dashamirës” e ka bërë këtë. “Njoftim. Përsa i përket bllokimit të videos “Ama dorën”, ju njoftoj së është Hakuar nga njerëz “DASHAMIRES”,dhe së shpejti do të rikthehet. Nuk është rasti i parë që ndodh. Flm për mirkuptimin. Miqësisht Xhensila”, ishte postimi i këngëtares. Ndjekësit e saj kanë përfituar nga ky status për të komunikuar me këngëtaren. Një pjesë e tyre kanë shprehur habi për faktin se kënga “Ama dorën” ka marrë 1 milionë klikime në 24 orë. Ata kanë aluduar se klikimet mund të jenë të blera. Këto akuza e kanë revoltuar jo pak bukuroshen. Ja si është përgjigjur ajo: Nuk e kam zakon të kthej përgjigje personave, aq më teper atyre që aludojnë për gjëra të tilla si ato që shkruani ju, nuk kam pasur kurrë klikimet njësi matëse të këngëve të mia e aq më tepër të suksesit tim, pasi nuk jam këngëtarë klikimesh dhe as që kam qenë kurrë e tillë. Mund të shikoni dhe rrëmoni ku të doni dhe për çdo këngë timen nëse ka pasur qoftë dhe një klikim të pamerituar. Megjithatë në momentin që kënga do të rikthehet së bashku me klikimet e saj, uroj që pas kësaj të kuptoni se jo për çdo gjë që ndodh, do ketë një hile patjetër. Flm për mirkuptimin.
Discussion about this post