Ish- finalistja e “Big Brother 8”, “Miss Albania 2014” e “Miss Exlusive 2015”, Xhensila Pere më në fund bën realitet ëndrrën e saj. “Forwedding” është eventi më shick i botës së nuseve dhe ka bërë pjesë të tij vajzën simpatike shqiptare. Xhensila e zgjedhur në vitin 2014 në Londër si një ndër 15 vajzat më të trupin më të bukur në të gjithë botën, vazhdon të ketë jehohën e saj me po të njëjtin intensitet si një vit më parë.
Ish- Missi shqiptar gëzon një popullaritet të jashtëzakonshëm në Shqipëri dhe jashtë saj, falë pjesëmarrjes në reality show-n më të ndjekur “Big Brother” dhe me lojën fantastike që ajo u dhuroi shqiptarëve gjatë ditëve të qëndrimit të saj aty. “Jam shumë e lumtur, nuk mund t`i besoj syve”, është shprehur ajo për Revistawho.com.
“Që kur kam hyrë në botën e modelingut, sfida dhe dëshira ime më e madhe ka qenë pjesëmarrja në këtë event i cili renditet si një ndër më të rëndësishmit në botë ku do të ketë shumë të ftuar dhe vëmendja e mediave do të jetë maksimale. Këtë herë, jo vetëm që do të përfaqësoj Shqipërinë, por është edhe një stad i ri në karrirën time profesionale që do ta ëndërronte çdokush”- ka përfunduar Pere.
Lajmi për pjesëmarrjen e Xhensilës në “Forwedding” është bërë publik edhe në website-n italian matrimonioromantico.it duke u shprehur me superlativa për 26 vjeçaren dhe duke bërë të ditur njëkohësisht edhe benefitet që vajza shqiptare do të ketë nga kjo pjesëmarrje.
Eventi do të mbahet në Romë, në datën 19 nentor 2015 dhe pritet të ketë një rëndësi mediatike si kurrë më parë, tanimë edhe për ato shqiptare.
