Ditën e sotme, modelja e njohur shqiptare, Xhesika Berberi feston ditën e lindjes. Mes shumë urimesh, ai që ka rënë në sy ka qenë urimi i mikes së saj të zemrës, Adrola Dushit.
Dy vajzat ruajnë prej kohësh shoqërinë me njëra-tjetrën dhe sot Adrola gjeti rastin t’i tregojë edhe njëherë Xhesikës se ndihet e bekuar që e ka në jetën e saj. Në mesnatë ajo ka bërë një urim mjaft special për Xhesikën.
“Natë e madhe ishte kur linde ti dhe unë jam një nga njerëzit e bekuar që të kemi pranë! Aq shumë dashuri, mirësi e kujdes sa jep ti, e meriton të kesh atë zemër të mbushur plot me lumturi! Nuk harroj kurrë të të tregoj ty dhe Zotit sa falenderuese jam që të njoha! Gëzuar Xhes e të paça gjithë jetën! Gëzuar ditëlindjen! Më mungon!”, shkruan Adrola krahas fotos ku shfaqet duke e puthur Xhesikën.
