E njohur për zërin e saj potent dhe të veçantë, duket se këngëtarja Xhesika Polo nuk po ndihet e vlerësuar në Shqipëri. Këngëtarja e ftuar në emisionin “Rreze Dielli” ka treguar se prej vitesh po mendon të largohet nga Shqipëria.
“Nuk ndihem e vlerësuar këtu, e dua vendin tim, është një vend i bukur, por këtu muzika nuk bëhet për t’u dëgjuar por për t’u parë. Prej vitesh po mendoj të iki nga Shqipëria”- ka thënë Xhesika.
Gjithashtu këngëtarja ka treguar edhe mënyrën sesi reagojnë pronarët e lokaleve të natës në kryeqytet kur e ftojnë të performojë. “Thonë Xhesika ka vokal të mirë,ka kënduar disa herë në festival, por a do të vijnë njerëzit ta shikojnë Xhesikën? Madje një herë më thanë se isha veshur trashë”- ka treguar këngëtarja.
Xhesika Polo është një prej vokaleve të spikatur në kompeticionin e talenteve të reja “X Factor Albania”.\revistawho.com
