Seriali “Fate të kryqëzuara’ ka rezultuar si një nga më të suksesshmit në Turqi dhe jo vetëm. Me aktorë protagonistë si “Xhihani” dhe “Gylsereni”, ky serial ka arritur të fitojë mjaft çmime të rëndësishme në botën e filmave.
Shuma e fituar prej tij kap shifra marramendëse, por një problem serioz është shfaqur me pagesat e aktorëve. Për këtë arsye aktori i cili luajti rolin e ‘Xhihan’ për tre vite, Erkan Petekkaya, ka hedhur në gjyq kompaninë e prodhimit të serialit, “Endemol Shine Turkyie”, e cila ka falimentuar prej disa kohësh. Kompania i detyrohet Erkanit 700 mijë dollarë dhe aktori është shprehur se javën tjetër do të niset për në Londër me një qëllim, “Nuk kthehem pa marrë lekët”.
Të njëjtin problem kanë edhe aktorët e tjerë të serialit, madje ata mendojnë se kompania ka shpallur falimentin pasi nuk dëshiron të paguajë aktorët. /revistawho.com
